Untitled Document
ໜ້າຫລັກ | ກ່ຽວກັບ ທພສວ | ຜັງເວັບ | ສຳນັກງານໃຫຍ່
ທະນາຄານພົງສະຫວັນມຸ້ງໝັ້ນໃຫ້ທ່ານຫຼາຍກວ່າ
Interest Rates

ໂຄງສ້າງຂອງບັນຊີເງິນຝາກປະຈໍາ ຮັບດອກເບ້ຍລາຍເດືອນ:



1) ຄຸນລັກສະນະຂອງບັນຊີ


ອີກຫນຶ່ງໃນຜະລິດຕະພັນທີ່ ທະນາຄານພົງສະຫວັນ ມອບໃຫ້ແກ່ລູກຄ້າ ແມ່ນບັນຊີຝາກມີກໍານົດ ຮັບດອກເບ້ຍແບບລາຍເດືອນ ເຊິ່ງເປັນການລົງທຶນທີ່ມີຄວາມສ່ຽງຫນ້ອຍ ແຕ່ມີອັດຕາດອກເບັ້ຍສູງ ແລະ ຍັງເປັນການວາງແຜນຄວາມຕ້ອງການດ້ານເງິນທີ່ດີໃນອະນາຄົດ, ດ້ວຍອັດຕາລາຍໄດ້ທີ່ແນ່ນອນໃນ ຊ່ວງໄລຍະກໍານົດເວລາທີ່ທ່ານເລືອກ.

ຖ້າທ່ານຕ້ອງການລາຍຮັບປະຈໍາ ຈາກການລົງທຶນຂອງທ່ານ ແລະ ທ່ານຍັງບໍ່ມີຄວາມຕ້ອງການ ທີ່ຈະໃຊ້ເງິນດັ່ງກ່າວນັ້ນ ບັນຊີຝາກມີກໍານົດຮັບດອກເບ້ຍແບບລາຍເດືອນ ຂອງທະນາຄານພົງສະຫວັນ ແມ່ນບັນຊີທີ່ທ່ານຕ້ອງການ.



2) ຜົນປະໂຫຍດຂອງບັນຊີ


 
  • ຮັບດອກເບ້ຍກ່ອນຄົບກຳນົດທຸກໆເດືອນ
  • ຮັບດອກເບ້ຍເງີນຕາຕ່າງປະເທດສູງສຸດ 7% ຕໍ່ປີ
  • ເລືອກໄລຍະເວລາຝາກດົນດອກເບ້ຍຍີ່ງສູງ ( 1ປີ, 2ປີ, 3ປີ)
  • ສາມາດໃຊ້ເປັນຫຼັກຊັບຄ້ຳປະກັນນຳທະນາຄານ ພົງສະຫວັນ ເພື່ອຂໍສີນເຊື່ອ ຫຼື ເປີດນຳໃຊ້ບັດເຄຣດິດໄດ້.


  • 3) ປະເພດສະກຸນເງິນຝາກ


     

    ສະກຸນ​ເງິນ​ກີບ, ບາດ​ໄທ ​ແລະ ​​​ໂດ​ລາ​ສະ​ຫະລັດ​ອາ​ເມ​ລິ​ກາ.



    4) ອັດຕາດອກເບ້ຍ ແລະ ການຮັບດອກເບ້ຍ


    ປະເພດ
    ດອກເບ້ຍຕໍ່ປີ
    ກີບ
    ບາດ
    ໂດລາ
    12 ເດືອນ
    5.59
    5.00%
    5.50%
    18 ເດືອນ
    6.68
    5.50%
    6.00%
    24 ເດືອນ
    6.71
    6.00%
    6.25%
    36 ເດືອນ
    6.77
    6.25%
    6.75%

    (ປັບປຸງໃນວັນທີ 01/05/2018)


    *ດອກເບ້ຍຈະຈ່າຍໃຫ້ທຸກໆເດືອນຕາມສັນຍາເງິນຝາກ.



    5) ຈຳນວນເງິນຝາກເບື້ອງຕົ້ນ


     

    1,000,000 ກີບ ຫຼື 4,000 ບາດ ຫຼື 100 ໂດລາສະຫະລັດ.



    6) ເງື່ອນໄຂໃນການເປີດບັນຊີ


     
  • ຖ້າເປັນທ່ານເປັນພົນລະເມືອງລາວ: ຈະຕ້ອງມີບັດປະຈຳຕົວ ຫຼື ປື້ມສຳມະໂນຄົວ ຫຼື ໜັງສືຜ່ານແດນ ຫຼື ບັດພະນັກງານບຳນານ ຫຼື ບັດປະຈຳຕົວທະຫານ ຫຼື ບັດຕຳຫຼວດ ຢ່າງໃດຢ່າງໜຶ່ງກໍ່ໄດ້.
  • ຖ້າທ່ານເປັນຄົນລາວທີ່ບໍ່ຕັ້ງພູມລຳເນົາຢູ່ລາວ ຫຼື ຄົນຕ່າງປະເທດ: ຈະຕ້ອງມີໜັງສືເດີນທາງ ແລະ ເອກະສານຢັ້ງຢືນຮັບປະກັນ ຫຼື ມີລາຍເຊັນຮ່ວມຈາກບຸກຄົນທີ່ຕັ້ງຖິ່ນຖານຢູ່ລາວ.
  • ຖ້າທ່ານເປັນຄົນຕ່າງດ້າວ: ຈະຕ້ອງມີບັດຕ່າງດ້າວຖາວອນ ຫຼື ໜັງສືເດີນທາງ, ບັດແຮງງານ(ອອກໂດຍກະຊວງແຮງງານ), ບັດພະນັກງານສະຖານທູດ ຫຼື ອົງການຈັດຕັ້ງສາກົນ (ອອກໂດຍກະຊວງການຕ່າງປະເທດ).
  • ຖ້າທ່ານຕ້ອງການເປີດໃນນາມທຸລະກິດ ຈະຕ້ອງມີເອກະສານເພີ່ມເຕີມຄື:
  •  
  • ສໍາເນົາໃບທະບຽນທຸລະກິດ
  • ສຳເນົາອະນຸຍາດດຳເນີນທຸລະກິດ
  • ສຳເນົາໃບທະບຽນອາກອນ
  • ບົດບັນທຶກ ແລະ ຂໍ້ກຳນົດບັງຄັບກ່ຽວກັບທະນາຄານ
  • ມະຕິຂອງຄະນະອຳນວຍການບໍລິສັດ ທີ່ ກ.) ອະນຸມັດໃຫ້ເປີດບັນຊີ, ຂ.) ກຳນົດຊື່ຂອງຜູ້ຮ່ວມລົງນາມແຕ່ລະຄົນໃນບັນຊີດັ່ງກ່າວ.


  • 7) ວິທີການເປີດບັນຊີ


     
  • ທ່ານຕ້ອງໄດ້ກະກຽມເອກະສານຢັ້ງຢືນຕາມສະຖານະຂອງທ່ານຂ້າງເທິງນັ້ນໃຫ້ມີສາກ່ອນ   
  • ຕໍ່ມາ, ທ່ານຕ້ອງໄດ້ກະກຽມ ແລະ ນັບເງິນຢ່າງໜ້ອຍ 1,000,000 ກີບ ຫຼື 4,000 ບາດ ຫຼື 100 ໂດລາສະຫະລັດ ໃນກະເປົາຂອງທ່ານ.
  • ຈາກນັ້ນ, ທ່ານເຂົ້າໄປຫາພະນັກງານຂອງທະນາຄານປະຈຳໜ່ວຍບໍລິການ ຫຼື ສູນບໍລິການ ຫຼື ສາຂາໃດໜຶ່ງ ທີ່ທ່ານມີຄວາມສະດວກສະບາຍ ແລະ ງ່າຍທີ່ສຸດ.
  • ສຸດທ້າຍ, ພະນັກງານບໍລິການຂອງພວກເຮົາຈະເປັນຜູ້ດຳເນີນການຕ່າງໆໃຫ້ທ່ານທັງໝົດ ມີພຽງແຕ່ທ່ານລໍຖ້າເຊັນ ແລະ ຮັບໃບຢັ້ງຢືນການຝາກເງິນ.

  • *ພິເສດ: ບັນຊີປະເພດນີ້ສາມາດເປີດຮ່ວມກັນຫຼາຍຄົນໄດ້ ພຽງແຕ່ນຳເອົາເອກະສານຢັ້ງຢືນຕາມສະຖານະຂອງຜູ້ທີ່ຈະເປີດບັນຊີຮ່ວມນຳກັນ.