ບໍລິການໂອນເງິນ
ໂອນເງິນລະຫວ່າງປະເທດດ້ວຍລະບົບ SWIFT
ຄຸນລັກສະນະ:
ການໂອນເງິນຜ່ານ SWIFT ແມ່ນມີຄວາມສະດວກສະບາຍຫຼາຍຢ່າງ ເພື່ອເອື້ອອໍານວຍຄວາມສະດວກແກ່ລູກຄ້າ ທີ່ມີອຸປະກາລະຄຸນທຸກທ່ານ ບໍ່ວ່າທ່ານຈະຢູ່ແຫ່ງຫົນໃດ, ເຊື້ອຊາດໃດ ທ່ານກໍ່ສາມາດສົ່ງເງິນ ຫຼື ຮັບເງິນໄດ້ຈາກທົ່ວທຸກມຸມໂລກດ້ວຍການບໍລິການທີ່ດີເລີດຂອງພວກເຮົາ.
ຄຸນປະໂຫຍດຈາກການບໍລິການຂອງພວກເຮົາຈະເຮັດໃຫ້ທ່ານ:
- ສາມາດໂອນເງິນໄປໄດ້ທຸກປະເທດທົ່ວໂລກດ້ວຍການບໍລິການດ້ວຍລະບົບ SWIFT.
- ສາມາດໂອນໄດ້ຫຼາຍກວ່າ 100 ສະກຸນເງິນທົ່ວໂລກ
- ຄ່າທຳນຽມໃນການບໍລິການໂອນ ແມ່ນຖືກ
- ບໍ່ຈຳກັດຈຳນວນເງິນໂອນ (Unlimited).
- ໂອນໄປຕ່າງປະເທດໃນນາມສ່ວນຕົວ ຫຼື ຊຳລະສິນຄ້າ
- ການບໍລິການສະດວກວ່ອງໄວ
- ລະບົບມີແບບຊັດເຈນ, ໂປ່ງໃສ, ອຸ່ນໃຈທັງຕົ້ນທາງ ແລະ ປາຍທາງ.
- ມີທະນາຄານຕົວແທນທີ່ມີຊື່ສຽງໃວ້ບໍລິການທ່ານ.
ເງື່ອນໄຂການໂອນເງິນຜ່ານ SWIFT:
- ການໂອນເງິນເຂົ້າຈາກຕ່າງປະເທດ (Inward Remittance)
- ພຽງແຕ່ທ່ານແຈ້ງຊື່ບັນຊີ ແລະ ເລກບັນຊີຂອງທ່ານໃຫ້ກັບຜູ້ທີ່ຕ້ອງການໂອນເງິນເຂົ້າມາບັນຊີຂອງທ່ານທີ່ມີຢູ່ທະນາຄານພົງສະຫວັນ
- ເງິນຈະຖືກໂອນເຂົ້າມາຜ່ານລະບົບຂອງທະນາຄານພົງສະຫວັນ ຈຳກັດ, ຜ່ານທະນາຄານຕົວແທນຢູ່ຕ່າງປະເທດ ເຊິ່ງພວກເຮົາໄດ້ນຳໃຊ້ຮູບແບບສື່ສານຂໍ້ມູນແບບອັດຕະໂນມັດທັນສະໄໝ(SWIFT) ເຊິ່ງຈະໃຊ້ເວລາພຽງ 24-48 ຊົ່ວໂມງເທົ່ານັ້ນ.
- ພຽງແຕ່ທ່ານແຈ້ງຄຳແນະນຳການໂອນເງິນໃຫ້ກັບຜູ້ທີ່ຕ້ອງການໂອນເງິນມາ ໂດຍໃຫ້ລູກຄ້າຕື່ມຂໍ້ມູນຕາມລີ້ງຂ້າງລຸ່ມນີ້ :
- ການໂອນເງິນອອກຕ່າງປະເທດ (Outward Remittance)
- ພຽງທ່ານປະກອບຂໍ້ມູນເຊັ່ນ: ຊື່, ເລກບັນຊີ ແລະ ທີ່ຢູ່ຂອງທະນາຄານຜູ້ຮັບປາຍທາງ
- ພ້ອມເອກະສານປະກອບເຊັ່ນ: ໜັງສືເດີນທາງ, ບັດປະຈຳຕົວ, ໃບຮຽກເກັບເງິນ, ໃບສັ່ງຊື້ສິນຄ້າ ແລະ ເອກະສານອື່ນໆທີ່ກ່ຽວຂ້ອງກັບຈຸດປະສົງຂອງການໂອນເງິນ.
ຂັ້ນຕອນ:
- ທ່ານສາມາດໂອນເງິນດ້ວຍການຕັດບັນຊີຫລື ເງິນສົດ
- ແຈ້ງຈຸດປະສົງຂອງການໂອນເງິນຂອງທ່ານໃຫ້ພະນັກງານບໍລິການຂອງທະນາຄານຮັບຊາບ
- ຂຽນແບບຟອມຂອງທະນາຄານພົງສະຫວັນພ້ອມເອກະສານປະກອບຕາມຈຸດປະສົງໃນການໂອນ.
- ທ່ານສາມາດເຮັດທຸລະກໍາຕາມ ປ່ອງບໍລິການຂອງທະນາຄານທຸກໆແຫ່ງຕາມເວລາເປີດໃຫ້ບໍລິການ.
- ຂັ້ນຕອນງ່າຍໆສະດວກສະບາຍ.
ຄ່າທຳນຽມ:
ທ່ານສາມາດເບິ່ງໄດ້ທີ່ຄ່າທໍານຽມບໍລິການຂອງທະນາຄານພົງສະຫວັນ