ບໍລິການໂອນເງິນ
ການໂອນເງິນພາຍໃນປະເທດຜ່ານຕູ້ ATM
ຄຸນລັກສະນະ:
ເປັນການໂອນເງິນດ້ວຍວິທີການໂອນເງິນເຂົ້າບັນຊີດ້ວຍກັນລະຫວ່າງບັນຊີກັບບັນຊີໃນຂອບເຂດທົ່ວປະເທດ ເຊິ່ງການໂອນເງິນວິທີນີ້ມີຄວາມສະດວກສະບາຍສໍາລັບຜູ້ທີ່ຖືບັດພົງສະຫວັນ ດ້ວຍການບໍລິການໂອນເງິນຜ່ານຕູ້ ATM ໄດ້ຕະຫຼອດ 24 ຊົ່ວໂມງ.
ສະດວກ:
- ຜູ້ຮັບໄດ້ຮັບເງິນທັນທີ.
- ສາມາດໂອນໄດ້ສູງສຸດ 90,000,000 ກີບ/ມື້ ສໍາລັບບັດເງິນ ແລະ 99,000,000 ກີບສໍາລັບບັດຄໍາ ບໍ່ຈໍາກັດ ຈໍານວນຄັ້ງ.
- ຜູ້ໂອນໄດ້ຮັບສະລິບເກັບໄວ້ເປັນຫຼັກຖານ.
- ເປີດບໍລິການ ຕະຫຼອດ 24 ຊົ່ວໂມງ/ມື້ 7ມື້/ອາທິດ.
ເງື່ອນໄຂໃນການໂອນເງິນ:
ຜູ້ສົ່ງ ແລະ ຜູ້ຮັບຕ້ອງມີເລກບັນຊີ ແລະ ບັດເອທີເອັມຂອງທະນາຄານພົງສະຫວັນ ຈຳກັດ.
ຂັ້ນຕອນ:
- ນຳບັດເອທີເອັມຂອງທະນາຄານພົງສະຫວັນ ເຂົ້າໄປໃນຕູ້ເອທີເອັມຂອງທະນາຄານ.
- ກົດລະຫັດລັບຂອງທ່ານ 4 ຕົວເລກ
- ເລືອກພາສາລາວ ຫຼື ອັງກິດ
- ເລືອກປະເພດການບໍລິການເປັນການໂອນເງິນລະຫວ່າງບັນຊີ
- ເລືອກບັນຊີທີ່ທ່ານຕ້ອງການໂອນເງິນອອກ
- ໃສ່ຈຳນວນເງິນທີ່ທ່ານຕ້ອງການໂອນ
- ໃສ່ເລກບັນຊີຂອງຜູ້ຮັບທີ່ທ່ານຈະໂອນເງິນໄປໃຫ້
- ລໍຖ້າລະບົບປະຕິບັດການຈົນສຳເລັດ ແລະ ຮັບໃບບິນລາຍການໂອນເງິນ.
ຄ່າທຳນຽມ:
| ຄ່າຊົດເຊີຍການໃຫ້ບໍລິການຝາກ-ຖອນເງິນກັບສາຂາຕ່າງແຂວງ | ||
|---|---|---|
| ໂອນຜ່ານ | ສະກຸນເງິນ | ຄ່າທຳນຽມ |
| ທະນາຄານພົົງສະຫວັນ | ກີບ | 0.02%/1 ຄັ້ງ, ຕໍ່າສຸດ 10,000 ກີບ, ສູງສຸດ1,000,000 ກີບ. |
| ບາດ | 0.02%/1 ຄັ້ງ, ຕໍ່າສຸດ 40 ບາດ, ສູງສຸດ 4,000 ບາດ. | |
| ໂດລາ | 0.02%/1 ຄັ້ງ, ຕໍ່າສຸດ 1 ໂດລາ, ສູງສຸດ 100 ໂດລາ. | |
ໝາຍເຫດ:
- ການໂອນເງິນຢູ່ພາຍໃນແຂວງດຽວກັນ ແມ່ນບໍ່ເສຍຄ່າທຳນຽມໃດໆ.
- ການໂອນເງິນປະເພດນີ້ສາມາດໂອນໄດ້ທັງບັນຊີປະເພດສະກຸນເງິນດຽວກັນ ຫຼື ຕ່າງສະກຸນເງິນ ເຊິ່ງຈະນຳໃຊ້ອັດຕາແລກປ່ຽນໃນມື້ນັ້ນ
- ຄ່າທຳນຽມຈະຖືກຄິດໄລ່ໂດຍອັດຕະໂນມັດຈາກລະບົບ ຕາມອັດຕາຂ້າງເທິງນັ້ນ.